Os relatos da Lola

Metamorfosis II

2010-05-04T13:02:00.001-07:00

- Yes una puta. A la fin, yes una puta, no l’olbides. T’emos acullito, t’emos dato de minchar, t’emos alexato d’a carrera, pero continas estando una puta. No l’olbides nunca. Asinas que no te quexes agora.

Puta. Puta. Puta. Ixas parolas le retumbaban en a cabeza. As risas d’o bispe, os suyos pantalons baxatos, se repetiban en as suyas retinas. Prou que soi una puta, en soi porque me lo puedo permitir. En soi porque me peta. En soi porque ye bien. En soi y él no puede chuzgar-me. En soi porque me gano a bida asinas, antes en a carrera lo feba por diners, agora lo foi ta disfrutar de leito escoscato, de maitins en l’ortal, de comida toz os días.

Os zaguers meses eban supuesto un cambio en a suya actitú. Eba pasato d’aconortar-se de sí mesma, de tener miedo a saber aprobeitar-se d’a situazión. Eba leito a amagatons uns folios de Armand Emilie que se trobó en a basura y de sopetón eba aclarato a suya situazión, con ella mesma, con él y con o suyo cuerpo. A lectura no teneba guaire relazión con a suya situazión, pero bella cosa fizo clic en drento d’ella. Bella cosa que yo me atrebiría a clamar libertá, libertá de pensar. Bella cosa que allí an que yera, presa d’esprito, le empachaban fer.

Ixe clic se reflexó en tot, que ye poco, pero que ta ella yera muito. Agora disfrutaba a tot meter d’o chardinero, sin miedo a perder-lo, no le importaba que o suyo propio plazer y no o que él pensase d’ella, mesmo se fumaba un Ducados dimpués de poseyer-lo. A mai superiora ya conoxeba os orgasmos, ella s’eba encargato de probocar-le-ne, an que antes bi eba escureldá y castigo, an que antes bi eba ama y esclaba, agora bi eba perbersión, ama y esclaba también, pero con ixa libertá que nomás as relazions de sumisión pueden probocar. Os papels eban cambiato, u mellor, os papels cambiaban de contino.

Pero isto, isto no lo podeba tolerar, un ombre nunca más la iba a fer sentir chicorrona. A rabia s’apoderaba d’ella, pero no por estar chupando-le-ne a un mosen, que ixo yera o de menos. Chupar se le daba bien. Le chodeba que le parlasen asinas, con ixe desprezio. Con ixa superioridá. Ella se sentiba superior, ella yera superior, lo teneba agarrato por os güegos, ella teneba en a suya boca o bien más preziato d’o bispe.

- -Zorra, chupa chupa, tu yes d’as que irán t’o infierno, no tiene soluzión, no bi ha cosa a fer con tu, fastiosa puta. La chupas como denguna y ixo ye ta acabar en o infierno. ¿Qué fas, puta?

Una hostia - consagrata – se sentió en a cambra. A la que ella respondió redindo-se-ne.

- Meter-te o dio en o culo, ¿ye o que te cuaca, no?

Yera quitando-se o zenturón d’o pantalón, mientres ella s’azercaba atra begata a la suya polla. En emprenzipiar a besar-le os muslos, dixó cayer os brazos a un canto. O zenturón seguiba astí, y ella no yera dispuesta a que ixe cabrón la fotese a tochazos una atra begata.

- ¡Que collons! – pensó – agora u nunca.

Y os suyos diens pretón de tal traza a polla d’o mosen que iste enzetó a chilar y a culiar ta zafar-se. No serían más que bels segundos os que ella estió mordiendo a suya polla antes que un empentón la tirase enta zaga, lebando-se con ella parte d’a piel d’as suyas nobles partes. Él no dixaba de chilar, de faltar-la. Refirmato en a mesa barroca se suchetaba la entregarra, se la miraba, la insultaba. Ploriconiaba.

Zas! Un zenturonazo le recordó que ella continaba en a cambra y que antiparte yera encarrañata. Tan encarrañata como sólo puede estar una muller, que fue puta por nezesidá y moncha por combizión y que eba parato cuenta que cal estar puta por combizión y moncha por nezesidá. Zas! O siñor bispe no entendeba que yera pasando. Zas! En toda la boca Zas! Os suyos insultos ya no en yeran, agora eran suplicas, ploros. Zas! Zas! Zas! Ella no deziba cosa, sólo se lo miraba. Él s’acarrazaba o peito y chilaba –infarto, me ye dando un infarto - . Zas! Zas! Zas! Ella no deziba res, sólo se lo miraba y s’apartaba as salpicaduras de sangre que bolaban dica la suya cara. Zas! Bueno, bueno, un infarto, sí, sí. Zas! Zas! Ya no boziaba, ni ploraba, ya no se mobeba u yera inconszién u yera…bueno. A atra cosa, mariposa.

Teneba un par de cosas a fer. Una meya sonrisa se le dibuxó cuan por fin ubrió a caxa que bi eba sobre o escritorio y bido que conteneba puros y un briquet. Qué inozén! Je. Sabeba que ixa caxa yera importán. Sabeba que ixa caxa no sólo conteneba puros. Lo sabeba, porque un día, en mirando d’ubrir-la s’eba ganato un buen batán y uns puros no merexeban tal panadera. Posata en a silla d’o siñor mosén, con l’abito tacato de sangre y con un Habanos en a boca se sentiba importán. Yera importán, teneba a o bispe coflato inconszién a os suyos piez. Rechirando en a caxa, i trobó un dople fundo. Conteneba una clau, que ella sabeba an que encaxaba y tres grans faxos de billetes de 500€, que sabeba en qué iba a emplegar.

Relaxada, con a ulor a puro inundando-lo tot, apartó lo cuadro de dezaga d’o escritorio y ubrió a caxa fuerte. Sabeba o que iba a trobar-ie, o suyo pasaporte a la chustizia dibina. Un ronroneo d’o mosén probocó una sonrisa en ella, Zas! - chst, calla, millor que sigas bibo, no m’obligues… - Quitó a caxa de metal, la clabó sobre o escritorio, la ubrió y una felizidá inmensa s’apodero d’ella en beyer as fotos –jolio qué gatet yes feito, ¿yes dispierto? isto se biene con yo-. Pero a sorpresa fue mayúscula en trobar bella cosa de lenzería masculina, un bragatanga rosa de puntetas y una espezie de camiseta de Hello Kitty, d’a suya talla indudablemén. Se’n rediba prou alto, se lo miraba y se’n rediba, cómo podeba estar tan estupido.

- Beigo que yes bien, que no nezesitas un medico por agora, si fueses a o medico y te preguntan por os golpes t’imbentas cualcosa, igual se me’n da, pero yo no salgo en ixa combersa. Yo me marcho, no me tornas a beyer, pero como belún, bella begata me busque, tornaré y te choderé. Si me pasa bella cosa, totas istas fotos serán paratas ta estar nimbiatas a os meyos de comunicazión y tú abrás bisto a craba roya ¿Has entendito?

- ¡¿Pero que yes dezindo puta barrenata?! Soi o bispe, bispe – remarcaba, cuasi escupindo as parolas- En que salgas por ixa puerta te bas a cagar ¿Me sientes?

- Sí, te siento. Pero no creigo que os políticos d’as tuyas fotos piensen o mesmo que tu, yes o zaguer mono y no dandaliarán en acabar con tú ta guardar as suyas espaldas. Y ya sabemos como se las trayen en zagueras istos corruptos ¿no?

Yera segura, definitibamén lo eba combenzito, as maneras corruptas d’ista clase politica son conoxitas por toz y ye sabito que pueden fer cualsiquier cosa ta que seguntes que informazión no beiga la luz. Y a ella, encara que igual se le’n feba emporcar-se as mans de sangre, le parexeba que yera mayor tortura ta él pensar que en cualsiquier momento d’a suya bida podeba acabar, le parixeba dibertito que o siñor bispe bibise con a inzertidumbre de si a suya línia dreita con Dios iba a acabar.

- Asu-me-lo, a mía situazión ye buena; muller, blanca, cuaranta y tantos, soi imbisible ta o resto d’o mundo. Saldré por ixa puerta y seré una solenca más. Una rezién esburziata más. Te soi dando una oportunidá u la prens u …adiós – se’n rediba, se’n rediba muito.

- Filla de puta.

- Bale, alabez conforme. Pero bas a fer una cosa más por yo. Quiero beyer-te bestito ta yo como lo fez en as buestras borinetas. Asinas que au! Que Hello Kitty t’espera.

- Ni parlar-ne.

- Ombre que no. Te digo yo que sí – pilló lo telefono móbil d’o siñor mosen y emprenzipió a dezir nombres de l’achenda en boz alta, a cara d’o siñor bispe cambió en escuitar-ne uno.

- Imos a dezir-le a iste que tiengo unas fotos suyas bien picaras a beyer que le parex.

- D’acuerdp, feré o que me digas, pero bes-te-ne, no quiero tornar a beyer-te.

- Bueno, bueno, tú besti-te que aquí os plans los foi yo.

No le daba ninguna pena, beyer a un autoritario ombre en ixa situazión de debilidá. Le feba grazia de beyer cómo se debantaba d’o suelo con a suya polleta penchando ensangrentata, sacando-se os pantalons ta meter-se un tanga rosa. Baxaba la mirada. –Mira-me ¿no te da bergüeña andar fotendo sermons? – Os glarimons correban por os suyos tuxos y feba un rudiet en que miraba d’aspirar os mocos ensangrantatos. –Sonríe, he dito que sonrises, coño– Le fizo unas cuantas fotos. Isto le yera resultando realmén dibertito, pero no quereba quedar-se-ie más. Pilló os diners, as fotos y a ropa d’o siñor mosen. Eba d’ir-se-ne a beyer o mar. Pensó en o chardinero, en a suya moto, en o paquete de Ducados d’a pocha izquierda d’a chupa. Ixa sería a suya salita.

Esnabesó o chardín. Bels cuantos trucazos en a puerta dimpués i amanexió lo chardinero.

- ¿Qué t’ha pasato? ¿Qué yes fendo con ixa ropa?¿Qué… -

- Da-me a tuya moto y a tuya chupa, te las tornaré, tú no las nezesitas, quiero beyer o mar. – pero más que más quereba fumar-se un Ducados.

- I boi con tu.

- No – eba dos trazas de fer as cosas; bien u a ostias.

- Bale

No nezesitó guaire más, le fizo duelo que o chardinero no le calesen explicazions, yera dispuesta a tot por a moto y un Ducados. Se sorprendió a sí mesma besando os labios del chardinero y dezindo adiós sin tornar a mirada. Camín d’a moto enzendió un fumarro, a primera calada le recordó a sapia d’o chardinero, zarró os güellos y enfiló a marcha.

A bisa la sobateba. Yera lexos, eba plegato en l’aeropuerto, crompado un billete y biachato más de 28 oras en abión, tren y 4x4. A la fin yera en metá d’o disierto. 28 oras dimpués de dixar a moto aparcata y mandar-le un sms a o chardinero con a ubicazión, finalmén lo teneba debán d’ella. Yera o más parexito a Dios que conoxeba. Se despulló de tot, no quereba que cosa metese entre ella y o de demás, nezesitaba sentir en cada poro d’a suya piel a paz d’o momento. Dunas a izquierda y mar a la dreita. As olas crebando o silenzio, o silenzio furo. Sólo estrellas, ni un rayo de luna le indicaban o camín, pero a suya intuizión la enfiló y asinas, despullata, s’amanó dica la orilla, yera nierbuda por sentir-lo, s’alcordó de su mai y d’una nana que le cantaba. A primera ola que le mulló lo tubillo la embargó de felizidá, la completó, como si faltase un poco d’augua salata ta entender-lo tot y ploró, ploró un mar, ploró sola, despullata, posata en a orilla en metá d’o disierto. Africa.

Bodas: Primer Round (Soylazoila)

2010-03-29T13:31:00.000-07:00

Acaba de marchar d’o leito, m’ha deseyato buena nuei y, mientres zarraba la puerta ha dito, esmelicando-se, que deberíanos casar-nos. Siempre lo fa, estoi que ye a suya traza de dezir-me que ye a o suyo implaz. Tiengo que preguntar-le como fue a suya boda.

Bi ha tantas menas de bodas como de personas. Porque as bodas son feitas ta cumplir uns obchetibos sozials, burocraticos, economicos, que no han a beyer cosa con l’amor, cuasi cuasi, ni con a parella. Por agora, tiengo tres bodas estiaño y as tres de grans amigos, a las que pienso asistir-ie, con os güellos zarratos y sin parella, a lo menos a dos.

A primera ye o chuzgato, y tiengo un gran papel, o de dama d’onor, u testigo, como dizen os modernos. Pienso ir-ie capina, ya emos quedato con o padrino (se leiga testigo, si yes un moderno). Ye un mesache muito atractibo, alto, gran, con uns güellos berde azulato y una umor, que fa que m’esmelique de contino. O nuestro papel, ye d’animadors-firmadors y dimpués de bermú. ¿Án ha quedato o combite a tot luxo de detalles? ¿Án ha quedato o sexo furtibo dezaga d’un matical? ¿Án han quedato ixos tirez en os baños plens de brilos y mirallos?

¿Ye isto amor? U ye o d’a mía segunda boda. Borinaza (rave si yes moderno) en a mayor altitú d’a probinzia de Zaragoza, me s’entrefá que con intenzión que nos baxe a tensión con a consiguién azelerazión d’os efectos de l’alcol y que nos quedemos sin oxicheno en o zerebro, con a de chuego que da ixo a la ora de buquir. No son 8.000m, pero a intenzión ye o que cuenta.

¿Ye isto amor? U ye o d’a mía terzera boda; a tot meter, con mandurrias y jotas incluitas. Con tacons metendo-le banda sonora de percusión a las carreras empedratas d’ixe lugaret. Chicas bestitas de chóbens burguesas, de puta de luxo u d’alta aristocrazia (si ye que no ye o mesmo) mirando-se a mesaches trachiatos con farcha de guardaespaldas (án quedón os traches blancos, a lo menos parexeban cubanos). ¿Ye isto amor? A lo menos confió que, con tanto despliegue d’unidaz, se faiga más l’amor.

Confió en dentrar en o baño a apatrusquiar-me o rimmel y escuitar o mormostiar entretallato d’una parella a l’atro canto d’una puerta. Sentir como cai un zapato y o restregar d’a ropa. Pegar a orella t’a puerta y que ista zeda, beyer-me astí, con cara de fata mirando-me como ella ye a escarramanchons sobre él, metendo-se os refaxos d’o bestito en a boca, mientres él acaba de correr-se. Sin posibilidá de marcha enta zaga, se me miran con os zaguers espasmos de l’orgasmo. Saliemos correndo a tot meter, cuasi empentando-nos entre nusatros, en busca d’o cambrero bestito de pingüino, que bi ha en todas as bodas, que paseya con una serbilla caramollera de copas de champán, que ye o que se bebe en as bodas. O pacharán no debe estar pincho. Busco lo mío nombre en os preziosos, rosas y laziatos cartelez d’as mesas, y ala, m’ha tocato con os amantes y as suyas respectibas parellas, que seguntes creigo entender son prou amigos toz dende a unibersidá, pero boi desmasiato capina ta asegurar-lo. U a lo menos a ixas alturas, espero lebar o puntet. Encara que siga a pur de champán.

TRADUCZIÓN: ONSERA

Zerclo

2010-03-14T13:09:00.001-07:00

Quiero una ta buquir-me-la y atra ta amostrar-le-ne a mi mai. Je. Pobres fatos, no paran cuenta que a suya prenzesita ye a que se buquex a o bezino. O bezino que la clama puta y a ella li fa goyo. 4 letras royas. PUTA, no pasa res. Se puede dizir, no pasa cosa. Se puede dizir, no fa mal, no ye follanca pero tampoco berdá.

Dende a cozina de casa mía beigo a situazión, cada maitin, él se’n ba a treballar, le da un casto beso en os labios mientres ella, bestita de siñora, le apaña a corbata. Cada maitin él sale d’o portal y dentra en un adosato en torzer a cantonada. Cada maitín a puerta d’o matrimonio se ubre, i dentra o misache d’a cocacola, que se la buquex de a traza mas guarra que tos podaz esmachinar, no ascuito o que se dizen, pero bi ha una pasión descontrolata, ella sufre, chemeca y s’escamalla. O suyo pelo de peluquería se descompone entre os tirons d’el. As medias, antes pulcramén clabatas en as garras, rematan unas begatas en o suyo cuello dezaga en os maniquiellos. Ye un baile brutal. Ella le insulta, le araña y le escupex. Disfrutan. En acabar, o misache d’a cocacola se biste y ella se compone.

Aspera a o suyo marito con a millor cara y a comida perfectamén colocata en a mesa. Ye un ombre d’exito, ye un buen ombre. Perfecto ta presentar-le-ne a su pai.

TRADUCZION: ONSERA

Creyatibidá

2010-03-05T08:29:00.000-08:00

Quefers plenos d’imachinazión. Quefers descaratos an que nos despullamos de formalidaz. Luchuria sin complexos an toz ganamos –u perdemos–. Sin miedo ni compromís, con o respeto d’a confianza. Plazer organizato, an que cullen dos, cullen tres y cuatre y zinco… Placer dirichito, la uno manda, l’atro obedex. Güembras que embolican cuerpos. Pum-pum pum-pum, o corazón se sale por os oditos. O coño se me redite en a tuya boca, en as tuyas mans, an a tuya polla. En a suya polla. Os güellos ploran alcol, escuezen. Ye de mal mantener-los ubiertos. A tuya polla, y a suya, son rezibitas por a mía boca, os míos diens las arañan. Ixo te fa goyo. As garras te tremolan. A tuya man me retira a capeza y me besa. As sapias d’o sexo se barrechan. Os sexos se funden. Él recorre con un chelo a mía espalda. No tarda a desfer-se. As gotas caliens s’esbarizan dende a nuca dica a mío culo. O pelo se pega en a barrecha d’augua y sudor d’o mío esquinazo. Os buestros chemecos m’esturden. Se meten en a mía capeza como un mantra que me libera, que me transporta dica o extasis. Un plazer infinito recorre tot lo mío cuerpo. Tres personas, un ritmo. Plas, palmada. Conchugamos o berbo correr. Me corro, te corres, se corre. Nos corremos.

Ye sólo a nezesidá...

2010-02-28T11:38:00.000-08:00

Nezesito beyer-te. Ye una fateza, pero no yera yo como ta rezibir un no por respuesta. M’armé de balor ta escribir ista simpleza en o móbil. A respuesta no tardo a plegar. De nuei an que siempre. ¿Yes bien, prinzesa? No, soi cansa, triste, capina y sola. Antimás plebe - que no soi dramatica ni res cuan me meto-. Pillé ixa abitazión, an que siempre. Apuraba la botella de bin, mesa en a mía propia tristeza cuan trucó en a puerta. En que lo bide me lanzé a que emplenase ixe bueito.

- Buquix-me.

- Tranquila, ista nuei me quedo con tu.

Bi ha chen que te fa sentir bien, y él ye un d’els, sin complexos, sin preguntas, sin explicazions. Si me nezesita i boi, si le quiero beyer, se’n biene. Emos arribato a un alcuerdo rollo Willy Fock u o equipo A. En fin, bi ha bella cosa, una conexión, que le fa saber qué ye o que quiero. Igual sólo ye que con él me siento libre de demandar, de deseyar.

M’ha besato chusto como lo nezesitaba y como él lo fa tan bien. Ixa mescla de ternura y pasión que me redite. S’ha sacato a camiseta y m’ha aduyato a que me la sacase yo, m’ha abrazato fendo-me debantar os piez d’o suelo. Cuasi dica dixar-me sin alentar. M’ha tumbato en o leito y ha encomenzato a besar-me tota la piel que quedaba a o descubierto, dixando-me a cada beso a piel con os pels de punta. De sopetón m’han dentrato una ganas barrenatas de plorar, pero as suyas mans han expulsato difuera tot ixe sentimiento. As suyas mans.

As suyas mans se mobeban d’as mías ancas t’a mía cabeza y no he puesto resistir-me y he meso os suyos didos en a boca, los he suzionatos como si fuese a suya polla, chusto cuan a suya boca buscaba as mías tetas a l’atro canto d’o suchetador. M’ha chirato y s’ha asentato en o mío culo, suchetando-me as mans por as muñecas en a espalda. O suyo peito me rozaba la espalda y o suyo aliento chugaba con o mío oído. Joder, cuan te metes asinas, Lola, joder. No le ha bagato de continar, he mirato de chirar-me, pero no m’ha dixato. Ha meso as mans debaxo d’a mía pelbis ta desbotonar o pantalón y me l’ha rancato chunto a las bragas. Ya soi despullata, despullata y desarmata. M’ha magreato o culo, l’ha contemplato, l’ha feito fiestas, besato. M’ha redetito. He aconseguito tornar-me y s’ha meso entre as mías garras, una man en a mía ingle m’impediba zarrar-las, a suya luenga se mobeba con tino, de cabo cuan toba, atras dura mirando de ficar-se en yo.

O ritmo yera brutal. M’he corrito. Pero no m’ha bagato de fer cosa. Malas que l’ha notato, s’ha achenullato, lebando-me con él, manullando as mías garras ta dixar-me asentata, penetrata denzima d’él. Suau, poquet a poquet, sin prisas, he notato cada pliegue, m’he abandonato a o plazer, como una moña crebata a o ritmo d’os suyos mobimientos, no sé cuánto tiempo emos estato asinas. O ritmo por cada begata se feba más fuerte, as enrestitas más fundas, nos emos meso muito barrenatos, a suya pelbis por cada begata daba trucos más xutos, que a yo me plegaban más a o fundo. S’ha tornato barrenato, m’ha tornata barrenata. Encomenzaba a notar l’orgasmo, pero quereba mantener-lo, no plegar-ie. Me corro, Lola. Yeran as parolas que nezesitaba ta zeder a o que o mío cuerpo querese. Os dos de bez, retorzendo-nos. Inundatos la uno de l’atro, sudando-nos.

Emos estato abrazatos un buen rato. Como querendo estar un. Y dimpués atro buen rato charrando, redindo y a la fin, adormindo. A las 8 ha sonato o suyo dispertador, una d’Eddie Vedder, bi ha que joder-se. Iste tío mola.

Fredor

2010-02-16T03:42:00.001-08:00

Dos, a cambra, silenzio. Cualcosa fizo clic ¿Se nos crebó l’amor? Sí, de tanto escribir-lo. De tanto prexinar-lo. Ixo que ébanos construito en a distanzia no se materializó. 24 oras. ¿Sinzeridá? Me cuacas, no te ¿cuaco? ¿meto? ¿no t’atraigo? Ye prou. Alargamos. Beis a tele, te relaxas, descansas. Yera o que asperabas. Yo sobro. California Sun a tot meter, me fa contenta. Te me miro, me cuacas, no bi ha feeling. Qué pincho. T’has encostipato. Yo tiengo os piez chelatos pero a capeza calién. M’encarraño. No se puede tener tot. Nadar y alzar a ropa, je. No aduermo. ¿Ormonas? ¿Alcol? ¿Desincusas? Te piras. Recullo. Me rallo. Torno ta casa y bi yes tu. Como siempre. Os tuyos güellos se fincan en as mías glarimas. M’entiendes. M’abrazas. Ixe abrazo lo siento. Me buques. Buquimos. M’estimo más no nadar. Me quedo con o que lebo meso.

Pyrene: Cuenta la leyenda...

2010-01-16T03:21:00.000-08:00

Cuenta la leyenda que una begata l’año iste lugar abandonato se torna barrenato, s’emplena de bida. Pero no de cualsiquier bida. No son exactamén turistas mirando a foto perfecta. Una begata a l’año tot bale en iste lugar. Ta iste lugar no i arriba la luz electrica, a iste lugar no se i plega en auto. Ista nuet tot se ilumina con candelas. As arcadas, os porches, finestras, bentañons antes bueitos, s’emplenan de belas. A la luz d’as belas, millor, a las suyas guambras se i crea una morfuga unica, una morfuga que no conoxen guaire.

Cuenta la leyenda que ta arribar-ie, cal que andar unas cuantas oras. Nabesando, en primeras, un riu, puyando por un costeruto barranco dimpués y continando por una suabe senda, dica plegar ta o destín. Os estrapaluzios d’a nuet t’acompañarán durante tot o camín, de cabo cuan son piedras que corren cara t’abaxo, atras begatas o crack d’aber pisato un buxo, pero bi ha ruidos que te ferán pensar que no bas solo, que te son aguaitando, u millor dito acompañando. Ixa sensazión de no estar solo, ye a que emprenzipiará o chuego, ye a que te ferá librar-te de perchuizios y tremolar a cada trango. Ye a que te ferá aturar ta escuitar entre os sonitos d’a nuet, ixe chalfego cuasi inaudible, pero que yes segura que bi ye. Pero no te bagará, bella cosa s’abalanza sobre tu, a escarramanchons sobre a tuya espalda, te susurra –quieta- Notas o suyo chalfego en a tuya espalda, te fa festetas en o cuello con a man ubierta, lo besa, notas a calentura en a suya ixaliba. T’acarraza d’a codeta –sigue, solo queda meya ora de camín-.

En ixe momento no sabrás si abandonar, si has feito bien en azeptar que te combiden, pero te’n acordarás d’ixa luenga pasando firmemén por o tuyo cuello y dezides continar.

Cuenta la leyenda que en arribar a o primer muro de piedra, cuan ya beigas o reluzir d’as belas d’o lugar. Dos personas t’aturarán, comprebarán que lebas antifaz, y te demandarán que te despulles. Malas que i sigas, comprebarán que lebas a marca, ta ixo tendrán que separar-te os muslos y azercar una bela tanto que notarás como a calor imbade o tuyo sexo. Pero ixo te ferá goyo, un escalafrío te recorrerá la columna y a la fin te trobarás libre.

A partir de astí o recorrito ye curto, sólo debes seguir o camín de belas en o suelo. Pararás cuenta que a tunica con a que t’han bestito ye de raso, larga dica os piez y que queda unita a o cuerpo por tres lazos. Un en o cuello, o siguién debaxo d’o peito y o zaguero pretando as caderas. Pararás cuenta que caminas apresurata, y que o raso en bolar fa ruido, como o d’un lienzuelo tendito. Pararás cuenta, en que te i amanes, que yes exzitata, que as tuyas garras tremolan d’emozión, que a la fin yes an que lebas años soniando.

Isto ye o que contaría la leyenda…si fuese leyenda…

Lola se´n pasa a o papel

2009-12-11T08:49:00.000-08:00

Un día me gritón y me proponión pasar o blog a papel. Editorial ARACultural, Rolde O CAXICO de Samianigo, Onset, o traductor, y yo,pretendemos tener o libro presto en un par de semanas. Por agora tos puedo contar que será en un formato bien bonico, que a diferenzia d’o blog contará con cuantas fotografías, y que prou que tos i trobarez con relatos ineditos. Aquí tos ne dixo un fragmento...

Agora, me parexeba muito lexano o momento de dixar l’auto y d’emprenzipiar a caminar, alumbrando a senda con a luz d’o frontal que le serbiba de refirme a la luna. Lexano o momento d’esnabesar o riu, brincando de piedra en piedra y acordando-me d’as malditos gayatas que m’eba dixato en casa. Ya no teneba importanzia, o bulco que me dio lo corazón cuan aquel estranio m’acarrazó por dezaga.

Y años dimpues...

2009-11-23T04:14:00.000-08:00

Yera ita a biyer a una amiga ta casa suya. Dimpués de muitos años sin biyer-nos ébanos de meter-nos a o día. Nos ne fuemos a zenar y parexeba que no eba pasato lo tiempo, tenébanos a mesma confianza y a mesma complizidá que en aquels años en Madrid.

Parlemos d’o mundo, d’a bida y d’els. En o d’els afundemos, y nos contemos os detalles d’as nuestras zagueras relazions. Ella yera embolicata en una calién relazión con un compañero de treballo. Mientres que yo teneba a un fraxengazo que de cabo cuan amanixeba por o mío leito. Entre copas y risas se nos pasó a ora de zarrar os bars con ganas de continar charrando, asinas que nos ne fuemos ta casa suya. Un apartamento d’una sola cambra en o zentro d’Uviéu. Nos serbiemos unas copas y continemos con as anecdotas. Reconoxco que me yera metendo cachonda, cómo describiba os detalles d’os suyos actos sexuals con o suyo amante, cómo parlaba d’o suyo cuerpo y lo describiba fondamén, cómo contaba o suyos mobimientos y cómo los imitaba. Ixo me yera calentando, en primeras pensé que yera esmachinar-me a ixe ombre en o mío leito, pero deseguida paré cuenta que yera ella, que ella me yera seduzindo. Me rozaba, m’apatrusquiaba o pelo, chugaba con o tirante… e ixo me fizo goyo. Le continé o chuego, chugaba con ella, nos rozábanos, bailábanos, bebébanos… nos besemos. O beso fue lento, timido, como con miedo de no enzertar. Nos miremos y sabiemos que plegaba d’encomenzar.

O siguién beso ya implicó a las nuestras luengas. Le baxé o tirante d’o bestito ta besar o suyo cuello mientres ella meteba as suyas mans por debaxo d’a mía falda y feba festetas a la mía anca. Asinas estiemos un buen rato dica que nos atrebiemos a despullar-nos. Y con a ropa se’n fue tamién tota la delicadeza que eba abito dica agora. M’empentó cuentra o sofá y se aloxó en a mía entregarra, chugó con o tanga dica tornar-me barrenata y cuan a la fin dezidió de laminar-me, yo ya yera ita de tot. No tardé a demostrar-le o muito que m’eba cuacato por meyo d’una serie d’espasmos descontrolatos y chilos.

Agora le tocaba a ella, yo estaba dispuesta a fer-le-ne como me cuacaría que me lo fesen a yo, fer-lo perfecto. Ta ixo encomenzé besando a cara interna d’os suyos muslos mientres con una man pizcaba os suyos labios chupitos. Pasé a luenga suabemén por o suyo forato y m’aturé en plegar a la totera. A suya respirazión yera por cada begata más sobatita. Le yera fendo goyo. Fiqué un dido en o suyo coño y a escape lo i quité, ella protestó pero yo emprenzipié a masachiar o suyo foratet ta que se relaxase debán de yo. Poquet a poquet iba metendo o mío dido mientres a boca ya yera zentrata de tot en o suyo botón y o pulgar d’a mía atra man mobendo-se en zerclos en a suya totera. Chilaba, me demandaba que no parase y yo por cada begata lo feba más fuerte, dica que una contrazión atrapó os míos didos y ella se desfizo entre chilos.

Bi abió un silenzio. Nos miremos y pretemos a redir.

- Mete-me un gin-

- Ok, ¿le’n bas a contar a él?-
- Ui, prou que sí, ¿y tu?-

Más risas…

TRADUCCION: ONSERA

Quimica

2009-11-18T01:27:00.001-08:00

Plas. A tuya mirada en yo. La noto como un golpe de zierzo. Serán esmachinazions de yo. Dentramos a la conferenzia, as luzes s’amortan, te posas chunto a yo. Plas. De bislai tornas a ficar-la en yo. Uffff, Esmachinazions? Amortan as luzes. Rozes. A mía garra cuentra a tuya. Plas. Perdón. Cosa, misacha. Una ora dimpués. Dimpués d’una ora de intercambio de rozes me combida a fer bella cosa. Tota a nuei mirando-nos, parlando de res, parando cuenta d’altra chen. Nos quedamos solos. Yera de dar, en bel momento cualcosa iba a pasar. Un bar, un altro, un altro. Una copa, combersa. Dos, a pregunta. Tres, a tuya man en a mía zentura. Cuatre, a tuya boca sobre a mía. Zinco, copas, o tuyo cuerpo pretando-me contra la paret d’o bar. Suena REM. Nos n’imos. Casa mía u casa tuya?. Ixo rai, te despullas, me despullas. Un. Primitibo. Yera como estar en una peli porno. Dos. Mmm, rico. Os pels de punta. Tres polbos. 35 años son muitos años y tu los has aprobeitato bien.

Traduccion: Onset

SMS I

2009-11-03T05:35:00.000-08:00

Me fa goyo de chugar. Me fa goyo que chuguen con yo y ixo, él, lo fa muito bien.

Primer sms: "A las 19h para un baño calién y mete-te en a bañera". Mmm, isto fa buena pinta, me cuaca que s’eslampe ta estar con yo, y me cuaca como planteya a nuestra relazión: sexo y chuegos.

Asinas que, a las zinco, me ducho, me repaso as garras y me foi as ingles como sé que li fan goyo, ta asinas, a las siete, estar en drentro d’a bañera, cubierta de esbruma y perfecta ta rezibir-lo.

A tamas d’estar ibierno y estar nebando difuera, en casa mía fa una temperatura agradable, y en o baño s’emprenzipia a crear un bafo que no me dixa beyer-ie mica. Ixo me cuaca, emprenzipio a fantasiar con l’inte en que dentre en o baño, con o que me ferá, con o que le feré. Istas fantasías emprenzipian a fer efecto en o mío cuerpo, me noto lo corazón por cada begata más sobatito, as garras se me desfan.

No pasa guaire tiempo que plega o segundo sms: "Masturba-te". Yera o que amenistaba que me dezise ta no meter freno a las mans. Me cuaca fer-me festetas baxo l’augua. En primeras, poquet a poquet, palpo o interior d’os míos muslos y boi puyando dica trobar o botón, o zentro d’o plazer. Lo amorosío dica que suena o móbil, inte en que me esclato de plazer.

Soi en candeletas por saber qué diz iste nuebo sms, encara con espasmos lo leigo y foi o que diz. Salgo d’a bañera, m’ixeco os brazos y as garras con a toballa, espezialmén perfumata ta la ocasión y boi t’o cuarto.

Un golpe de fredor me chela os pezons, pero lo mío cuerpo ye prou calién como ta no parar cuenta o cambio de temperatura. Foi o que diz, me meto l’antifaz, m’achenullo a os piez d’a cama y dixo lo móbil a o canto. Espero. Siento a puerta, siento pasos, os suyos pasos.

Prengo aire ta parlar-le pero me contesta con un shhh. No me toca, no se bocha. Me redito. Se despulla, ba dixando cayer a ropa en o suelo. En primeras as zapatillas, os pantalons...un dido me recorre a columna bertebral, dende o cuello dica o culo. Me redito.

Mete as mans entre as mías garras, suelta un sospiro. Yo tamién lo foi. No aguanto más, le demando que me buquixca. Me da una palmada. Entiendo que no quiere que parle, pero o mío lenguache corporal lo diz tot.

M’acarraza d’as ancas, fuerte, no me dixa bochar-me pero lo mío cuerpo no se puede aturar. Me penetra. Me desfoi. Nomás introduz un poco, pero lo quita y lo i fica muito aprisa, de rapincoté tota bi ye en drentro, ye prou gran, ye... miro d’apartar-me. Bueno, pensé en fer-lo, pero solo lo pense. Me corrié. Me buquió. Sonó lo móbil. Lo pillé.

- No cal, sé que no yes tu -

Penchó. O mío desconoxito contina buquindo-me como un barrenau. Pero m’esperan más sorpresas...

7-chunio: ¿O suenio?

2009-05-21T09:17:00.000-07:00

Fa calor, ya semos en chuño y ixo se nota.
Abe tiempo que no foi isto porque no teneba a qui fer-le-ne, pero güe a la fin parix que ye o día.
Han mirato de que no lo faiga, han imbentato mentiras, han calumniato, son itos ta os tribunals y han meso a la Guardia Zebil en meyo, pero no l’han aconseguito, a la fin gana a razón y soi dezidita a fer-lo.
No paro guaire cuenta a o que me boi a meter, simplamén pillo cualcosa y me lo meto, m’interesa plegar luego, no me fan goyo as aglomerazions ni aber de fer codas ni que tot o mundo se me mire mientres lo foi.
I arribo, i son os de siempre, con os suyos apegallos de siempre. Mierda, se m’han adebantato, bi ha coda ta dentrar en a cabina, espero en candeletas, no sé guaire bien o que me trobaré en drento, ixo me preocupa, me fa sudar. A la fin ye o mío redolín, s’ubre a tela negra y bi sale una siñora gran ascape, cuasi empentando-me. Aliento prou y bi dentro. Alargo a man mirando lo mío tresoro y astí bi ye, a papeleta con a que lebo soniando años.
Bi ha cosas que me meten cachondo lo cuerpo y d’atras que me meten cachondo l’esmo. No puedo fer atra cosa que expresar dende aquí o mío refime a la lista d’Iniciativa Internacionalista. Nimbiar-les o mío aliento debán d’a situazión de criminalizazión a la que se son biyendo somesos por ista democraziaporoscollons. Sinzeramén me ba a encantar ir a botar a la fin una papeleta, escoscata, útil y legal. Compañeras de Cucha Independentista no sez solas!

Carla, Aitor y yo

2009-04-02T10:15:00.000-07:00

Güe m’han preguntato cómo se fa un trío. No en o sentito d’os rols que adoptan cadagún d’os partizipans, sino en o sentito de cómo se fa u de cómo s’emplatilla. Y a radiz d’ixo me he feito memoria de que...
Abe uns años, me’n fue a bibir ta Bilbo bel par de meses, trobé una cambra en un piso compartito. A persona con qui lo compartiba yera un mesache d’a mía edá y en una situazión laboral parellana a la de yo. Dende o primer momento fayemos buena pacha, y ya la segunda nuet nos chitemos, en atras condizions no lo ese feito, pero a mía estacha en ixe piso iba a estar de dos meses como muito...
Un cabo de semana cuasi en acabar o primer mes, binió a biyer-me una amiga de Zaragoza, entre nusatras siempre eba abito un poquet de tensión, pero bella cosa nos escusaba ir dellá.
Zenemos en casa, charremos de tot y de cosa, bebendo, fumando, ya sabez. I plegó Aitor d’o treballo y s’asentó con nusatras a charrar, continemos bebendo y fumando dica prou tarde. Cuasi amanexeba cuan me debanté y besé a Carla en os labios y le pregunté si nos n’íbanos enta o leito.
Aitor fayó güellos de caparra, pero antes que no dezise ni res tamién le besé a él d’a mesma traza, en o mesmo puesto, combidando-le a unir-se.
Nos debantemos, tot iba poquet a poquet, fuemos dica o mío leito y entre Carla y yo emprenzipiemos a despullar-le, suabe, fendo-nos besos entre nusatras, entre els... Él teneba una man ta cada una de nusatras y nusatras no parábanos de fer-le fiestas, de chupar-le.
Fuen barios orgasmos, probocats por barias personas. Nos adormiemos.
A l’atro’l día de maitins me desperté con a sensazión que eba tenito un suenio, ixa sensazión se me’n fue en notar a luenga de Carla en a mía boca. En chirar-me biyé que yera cabalgando a Aitor, le fayé festetas en a espalda, me minché a boca d’Aitor y disfruté d’ixa imachen dica que me tocó a yo...
Asinas ye como s’orichina un trío, asinas, sin miedo.

Desconoxita conoxita

2009-03-12T09:28:00.000-07:00

No sabébanos como yéranos fisicamén, d’él sólo conoxeba que o suyo cuerpo igual como él de yo, porque ébanos dezidito de mantener as nuestras caras a un costato. Apenas una semana duroron as zibertrobadas, a escape dezidiemos de trobar-nos. Quedemos que yo iría ta Madrid. En primeras plegaba en l’AVE d’as 3, por o que, como él treballaba a o canto d’Atocha, pues yera o millor ta os dos. Digo en primeras, porque o que pasó estió atra cosa. Pillé l’AVE que arriba a las 11 parata a fer una d’as suyas fantasías. M’eba meso un bestito royo, no guaire curto ni guaire escotato, pero que permitiba endebinar que debaxo no bi eba cosa, antiparte me metié de calzero unas sandalias ligatas en o clabillar tamién royas. En o trayecto en o tren yera fuera de yo de tot, no dixaba de pensar en o suyo cuerpo, a la fin pegato a o mío, en o que iba a suposar a nuestra trobada, en as suyas mans amorosiando a piel, en a mía boca laminando-le entero… En salir d’Atocha enfilé o camín ta l’edifizio an que Borja treballaba, durante o trayecto le grité por telefono - Di-me - Que te bagará de quedar a las 3? - Prou que sí, soi en candeletas - Sabes Borja… me cuacaría de beyer-te, más que no te piensas. - Aiiiiiiiii muller, a tuya boz, a tuya boz me meto muito furo - Sí o que te mete ye a mía boz, esmachina-te cuan tiengas os míos labios ligatos a o tuyo oído dezindo-te cosas fozinas. - Qué cosas, Lola? Di-me beluna que agora no en sé… - Mmmmmm te boi a dixar antes que no en faigas beluna en a a ofizina - Nooooooo, joder con que goyo te buquiría - Me soi mullando nomás de pensar o que ba a pasar de tardes…
Por agora tot iba salindo bien, él no se pensaba o que yera amanato a pasar. Ya eba arribato en a puerta, teneba una mezcla de nierbuda y exzitata, me enfilé enta o puesto d’informazión y pregunté por o despacho de Borja. O guarda, no sin antes mirar-se-me fito-fito, me siñaló an que yera. Le die as grazias y me’n fue enta allá. En o fundo d’un largo pasillo yera o suyo despacho, antes de trucar en a puerta, alenté un par de begatas, m’apatrusquié o pelo y… -Adebán. Ubrié a puerta y m’estié refirmata en a puerta mirando-me-lo, no yera guaire guapo, pero teneba una mirada d’as que afogan, con os güellos clucatos d’un azul fosco que resaltaban sobre a suya piel morena y o suyo pelo fosco. Bueno sí, yera guapo, guapismo. -Puedo aduyar-te en bella cosa? Como respuesta obtenió un portazo y a yo caminando cara ta él. En os suyos güellos bi eba luchuria, a suya mirada brincaba d’as mías ancas a las mías tetas, que brincaban a la bimbola. Antimás o estrapaluzio d’os tacons me mete, y más sobre o parquet. Me metié dezaga d’o suyo posiento y la chiré ta tener-lo fren a yo. Él no perdió lo tiempo, metió as suyas mans en os míos chenullos y encomenzó a puyar-las dica plegar a o punto an que deberían estar as bragas. No le dixé continar, m’acoché ta besar-le pero os míos labios cuasi no pasoron por os suyos. Fue dreitamén a o suyo cuello, entre que a mía man tocaba o bulto d’o suyo pantalón. Lo frotaba.
-Qué fas? Quí yes?
-Shshshshsh…
M’achenullé entre as suyas garras. Cuan a la fin liberé a suya guía…guau. Astí bi yera, apuntando-me. Laminé suabemén a goteta que saliba d’a suya polla. Y laminé, mordisquié, chupé a suya polla, dica fer-lo arribar en un orgasmo que me emplenó a boca y a cara d’o suyo lemos.
Beyé a su cara, sintié os suyos chilos. Noté as suyas mans en o mío tozuelo. Me metié dreita. M’escosqué a cara y me’n fue.
Me’n fue calién. L’ese buquito astí mesmo, le ese dito que yera yo, Lola, pero m’estimé más que lo descubrise él solo.
A las 3 m’esperaba en Atocha. Yo m’eba cambiato de ropa. Él se miraba a l’AVE, me i amané por dezaga. Le toqué o güembro.
- Lo sabeba, sabeba que yeras tu… bueno no sabeba pero se m’entrefilaba… capiscol!
Isto ye tot o que parlemos en as siguiens dos oras.
Cabo de semana dibertito…Me fizo goyo.

Traduccion: Onsera

Dos

2008-12-22T11:17:00.000-08:00

Quitó a suya picha d’o suyo boforón, pero le demandó, mormostiando-le-ne a l’odiu, que no se mobese d’ixa posizión.
Encara asinas, se acochó ta beyer cómo saliba o suyo lemos d’aquel forato que tanto plazer le eba proporzionato.
Entre que esperaba, le feba festetas en o culo, le’n besaba y le tornaba a fer festetas, dica que a primera gota blanca amanexió. En que emprenzipió a salir o néutar, azercó a suya boca ta que i cayese, ixo le feba goyo, pero más le feba goyo d’azercar-se bien luego a la suya cara y dexar-lo cayer, suabe y poquet a poquet por o suyo rostro, mientres Luis lo rezibiba con os güellos zarratos y a boca meyo ubierta. En ixe momento beyeba en o suyo caráuter o goyo, a sexualidá, en ixe momento sabeba que se quereban.

Traduccion: Onsera

O mío chuguete I: De crompas

2008-12-13T19:42:00.000-08:00

Quedemos con as mías amigas ta ir de crompas aprobeitando as rebaxas, pero ya que a nuestra no guaire gran afizión a la ropa acabemos en un sex shop, mirando tota mena d’articlos y trastes.
De camín dezidiemos en que ibanos a imbertir y que lo engaríanos as cuatre chuntas ixa mesma nuei. Nos ne fuemos cada una ta casa suya y quedemos pa zenar dos oras dimpués.
En ixas dos oras, fize o que siempre foi antes d’una d’ixas nueis. Me fotié un baño, me rasuré, me metié crema por tot o cuerpo. M’apatrusquié o pelo, bella mica de maquillache y eslechir a ropa. Ébanos quedato en lebar falda, asinas que determiné de meter-me una falda de tubo por o chenullo, con una chambra blanca sin mangas y de cuello alto, acabato con un lazo a un canto. Sin complementos, sólo con unos zapatos de color crema y tacón alto. Bueno…sin complementos ye por dizir, porque quité d’o plastico lo güego bibrador con mando a distanzia que eba mercato en o sex shop y me lo fiqué como meteba en as instruzions.
En arribar en o restaurán sólo bi yera que Sonia, con una resiqueta d’orella a orella. Nos saludemos entre risas y de seguida i arriboron Gertru y Silvia que i dentroron a esmelicando-se firme fendo que toz se las mirasen. Por as risas y porque iban impresionans. Nos asentemos en una mesa y paremos o nuestro chuego. Metiemos os mandos a distanzia en una bolseta y cada una en quitó uno. Por a color d’o mando biyémos que cada una portiaba un mando diferén a o suyo güego, pero no sabébanos quí teneba o nuestro mando ni de quí yera o mando que portiábanos...
Binió lo cambrero y Gertru fotió un chilet, acompañato por as risas de totas y o cambrero se quedó embabiecato. Pero de seguida debió parar a bibrazión porque Gertru se relaxó. En que emprenzipiemos a zenar yéranos sin dizir ni piu y os güegos bibraban por uns poquez segundos. Pero entre que emprenzipiemos a beber nos tornábanos más barrenatas. O cambrero aluzinaba por cada bez que beniba a la mesa y biyeba a beluna de nusatras con os güellos en blanco. L’atra fotendo muesos a man ta mirar de no chilar…
Pues si a zena fue asinas entrefilar-tos cuan saliemos de bars. L’alcol no sólo nos inzitaba a tener o botón pretato muito rato que sino feba que fuese prou de mal fer mantener a compostura.
En un momento de lucidez ébanos dezidito de salir por una zona por an que no gosaba aber-ie conoxitos y asinas poder estar más libres. Pero como no podeba ser d’atra traza me trobé a belún.
O mío profesor de yoga, un mozet bonico, ixos tipicos yoghis que tienen aspeuto de controlar de tot en o leito, d’ixos que rezuman sexo… Bueno, pues yera en o fundo d’o bar. Me fize a espiguardata, porque sabeba o que fería a dueña d’o mío mando si me amanaba a parlar con él. Pero él me biyó, parló un ratet con o suyo grupo y binió cara ta yo. Joder, si quereba tener bella posibilidá de trayer-lo enta la mía cama en un futuro proximo no podeba fuyir a las cuatre suelas.
- Ola-
- Lola, guapa! ¿Qué fas?- Pero qué guapo, qué cuerpo, qué boca, qué morbo que tiene iste misache!!!!
- Bien bien- feba un poder por mantener o tono y o ritmo entre que parlaba.
- Ya teneba ganas de biyer-te por astí y poder fer-nos una copa chuntos, ¿qué quiers?- No me lo podeba creyer, me combidaba a un gotet, dimpués de 3 meses d’ir a yoga escotata, de insinuar-me, de firme estudiar a teoría…, me combida a un gotet güe, güe que he de contener os orgasmos.
-jajaja blablabla- Estiemos parlando 5 menutos, m’agarraba d‘a zentura y se amanaba muito a la orella ta parlar-me.
Yo yera en beras exzitata, en bella mida por él y as suyas mans, y en bella mida por as 5 belozidaz d’o bibrador que beluna d’as mías amigas usaba sin compasión.
- Sabes queeeeeé pasa? Que soi astí con as mías amigas y…- Y me chiré ta siñalar-las y yeran as tres firme esmelicar-se. Yo ya cuasi no me manteneba dreita, binió un orgasmo que me recorrió tot o cuerpo y m’abié d’agarrar a o suyo brazo pa no cayer-me.
- ¿Te trobas bien? Bibo aquí, a o canto, si quiers chitar-te...-
Me cago en la osma, pensé. Tamién pensé en contar-le o que me pasaba, pero me limité a un:
- Grita-me maitín, que te combido a zenar y te contaré bella cosa-
Y continé disfrutando d’a nuei con as mías amigas. Y él me gritó a l’atro’l día…

Traduccion: Onsera

En suenios...

2008-10-24T03:37:00.000-07:00

Anuet nos chitemos tarde. Feba muitisma calor, tanto que no parábamos de sudar asinas que nos metiemos cada un en un cabo d'o leito y nos diziemos a buena nuet con un beso abentato a l'aire y una sonrisa.

No sé qué ora sería cuan ubrié os güellos, pero me miré por a finestra y sólo que i dentraba escureldá.

M'eba dispertato porque Álvaro s'eba pegato a la mía espalda y, encara que yera adormito como un cheso, me feba fiestas en as garras d'ixa traza que nomás él sabeba.

Dentraba una lixera bisa que feba que l'ambién no estase tan caldiato como cuan nos chitemos a adormir asinas que ya no sudábanos prou.
Antes de dispertar-me, debeba estar soniando con él, porque agora yera umeda y o mío sexo quereba o suyo cuerpo. Por un momento pensé en no dispertar-le, en a suya compañera de piso, en que en pocas oras teneba que ir a treballar, en adormir-me una atra begata y dixar-lo dica maitín, pero me yera imposible, ya s'eba desatato lo mío cuerpo, por cada begata que él se bochaba en suenios a mía respirazión se sobateba, as mías garras s'ubriban y miraban de rozar-lo, simulando en toques casuals o que en beras yeran deliberatas festetas.

Se fotió de rebés, asinas que yo aprobeité ta amorosiar os míos muslos y parar cuenta que yera fuera de yo, en momentos d'arribar a l'orgasmo silenzioso. Asinas que le amorosié o culo, se chiró y podié biyer que o suyo miembro presto ta yo.

Él esbarizó a man izquierda entre as mías garras fendo-me soltar un sospiro, ixa man se bochaba con achilidá entre a mía natura y o mío boforón repartindo a umedá. Asinas, chitatos de costato, pegato a la mía espalda, me penetró. Aspaziet en primeras, rapido dimpués ta a la fin desafogar-se drento de yo. Y asinas se quedó adormito, drento de yo.

Güe no emos parlato d'o tema, talmén lo fizo adormito u talmén se crei que l'adormita yera yo...

Traduccion: Onsera

Biache ta Mallorca: Yes de yo II

2008-10-05T14:50:00.000-07:00

Me quedé dreita, con as garras ubiertas y mirando-me-lo, a o primero a os güellos y dimpués a o bulto d’o suyo pantalón.
Le saqué a camiseta y le desembotoné os pantalons.
Quedó debán de yo sólo que con o bóxer que pretaba o suyo paquete. M’agarró d’a zentura y me fizo un beso.
M’esmuyé y m’iba acochando poquet a poquet, sin dixar de mirar-me-lo a os güellos, dica quedar-me en carcañetas con as garras ubiertas.
Agarré d’os costatos y baxé os canzonzillos dica os clabillars, quedando a suya polla apuntando-me, lista ta yo.
- Mincha-te-la tota, Lola -
En primeras la agarré fuerte con una man y emprenzipié a masachiar-la suabe, d’alto enta abaxo. Me agarró d’o pelo lebando o mío tozuelo de cara ta ella. No lo aconsiguió, yera desmasiato luego.
-Amostra-me o que sabes fer-
Le empenté ta que s’asentase en a silla y me clabé entre as suyas garras. Agora sí, amorisquié o suyo glande con os labios y palpié con a mía luenga o suyo foratet. Recorreba tota la suya extensión con a luenga, dica aturar-me en os suyos güegos, que en primeras chupé y dimpués me los fiqué en a boca.
- Dios, puta, trusqui-te-la entera, por Dios-
Me demandaba a chilos que me la trusquise entera, pero encara no yera lo momento. Chugué una mica más. Me chilaba que la metese. Me lo miré y él cuasi no podeba mantener os güellos ubiertos. A mía luenga feba zerclos en o suyo glande y chugaba con o foratet mientres as mías mans apretuzaban os suyos güegos.
- Au, fe-lo, quiero biyer a tuya boqueta plena de yo, fe-lo, fe-lo ya-
Me parexió lo momento y me la trusquié sin tartir, dica o fundo, dica que os suyos güegos cuasi chocaban con a mía barbeta, puyando a moniquet pretando arredol d’el con os labios, dica plegar a o escomienzo d’o glande, an que me aturé ta, encara pretando con os labios, chugar con a luenga.
Alentabas malamén, sospirabas y chemecabas y a yo ixo me meteba tan cachonda que por cada bez te lo feba con más intensidá. Te dominaba.
-Dios, nena, qué bien… que bien lo fas… yes una diosa, contina…-
As suyas parolas prebocaban en yo un aumento d’a intensidá. Por cada begata lo feba más rapido, pero sin perder o caráuter minimalista d’a mamada que le yera fendo. Por cada begata más rapido.
Me lo miré, teneba o tozuelo enta zaga y no feba que dezir-me o puta que yera y o que le encantaba o que yera fendo.Me debanté y se me miró d’alto enta abaxo, con ixos güellos de bizio que yeran tornando-me barrenata.
Yo no’n podeba más, me clabé a o suyo canto pasando una garra por denzima d’él y dixando o mío melico a l’altura d’a suya boca. Emprenzipié a baxar poquet a poquet, dica que a suya polla me rozó a natura. En ixe momento emprenzipié a bochar as ancas en zerclos, fendo pasar a punteta por a mía ralla.
- Me yes tornando barrenau, raboseta, qué guarra, como sabes o que fas-
Ixas parolas, a las que no yera abezata, me yeran metendo bien fura, asinas que no’n teneba atra que dixar-me cayer sobre o suyo miembro y emprenzipié a bochar-me.
De cabo cuan aspaziet, de cabo cuan aprisa. D’alto enta abaxo u de debán enta dezaga. Os dos nos mirábanos o que yera pasando astí abaxo, como a suya polla desaparexeba entre as mías garras, ta dimpués salir y tornar a dentrar-ie. Atras begatas nos mirábanos y nos chupábanos a cara u cruzábanos as luengas. Por cada begata yéranos más itos. Por cada begata nos dezíbanos barbaridaz más grans. Por cada begata me tirabas más d’o pelo.En un momento te metiés dreito, encara drento de yo. Desapartés d’una manotada as cosas d’a mesa y me i bulqués. Lebando tú o ritmo. Un ritmo que me tornó barrenata.
- Cabrón, que me muero, Dios qué goyo -
Dentraba y saliba, dentraba y saliba. M’agarraba as tetas. No’n puede más.
- Me corrooo, maldito cochín-
-Di-me-lo zorra, di-me-lo-
-Me corro, Raúl, me corro d’o goyo que me’n das-
-Yo tamién prinzesa-
Unas cuantas enrestidas más y un chilo en estero barrechó os nuestros sucos drento de yo. Cayó y os nuestros cuerpos sudorosos se pegoron. Debantó o tozuelo y me besó con pasión, pero tamién con cariño.
- Qué bien que ayas benito, m’encantas-
-Me’n foi contento-

Traduccion : Onsera

Biache ta Mallorca: Yes de yo I

2008-09-10T07:38:00.000-07:00

Bien, tú lo has quiesto, minchemos.
Yera encarrañata, pero reconoxco que él yera guapismo y biyer-lo n’a cozina me meteba asabelo. Teneba un cuerpo perfecto, a lo menos o torso, que yera o que podeba biyer. Porque lebaba uns baquers d’ixos que feban uns culos chenials. Biyer as suyas mans bochando-sen con soltura entre berduras me feba fantasiar sobre a milenta de morisquetas que iba a rezibir iste cabo de semana.
De primero, ubrió una lata d’espargos y una atra de mayonesa. De segundo, eba cualcosa fendo-se en un calderet que feba ulor a pescau. Y de postre, un frutero plen de frutas de colors.
Ya os dos en a mesa, emprenzipiemos a minchar. Y a charrar. Charraba él, porque yo o que quereba yera atra cosa.
Él me contaba quemisió sobre no sé qué de Mallorca, yo sin fer-le ni caso pillé un espargo con os didos, dixando que o liquido s’escorrose por o mío maniquiello. Él dixó de parlar. Laminé o espargo ta que no en cayese más de liquido y laminé o que m’eba esbarizato por os brazos. Me lo miré y me fizo a riseta. Preté o espargo con os diens y le fotié un suabe mueso, sin plegar a crebar-lo, o que cheneró más liquido, que s’esbarizó por a comisura d’os míos labios. Me minché o espargo y m’escosqué a boca con a man.
No feba que repetir-me que le encantaba e ixo me feba esmerar-me más. O siguién me lo metié en a boca dende alto, fendo que i dentrase poquet a poquet, aduyato por a luenga. Dixé que as gotas que eban caito en os míos carrillos s’esbarizasen dica arribar en o cuello.
Me debanté y fue dica a la silla suya. Me i posé a escarramanchons sobre as suyas garras. Me laminó os rastros de liquido d’a mía cara. Pilló un espargo y o zaguero que teneba prebisto minchar-me-ne. Le amorosié os labios con él. Más liquido, ista begata en a suya barbeta. Lo replegué con a mía luenga. Le amané a punta a la suya boca y él lo suchetó con os labios de bez que yo feba o mesmo con l’atro extremo.
Emprenzipiemos a amanar-nos-ne, pero chusto a lo que os nuestros labios iban a chocar lo mordié y cantoniando-me, despullata y con os tacons torné a posar-me en a mía silla.
- Y de segundo ¿qué has parato?-
- Almejas con crabazín y tomate-
Me sirbió un plato y una por una, sin dixar de mirar-me-lo a os güellos, fue minchando cada almeja. Me la meteba n’a boca ta sorber o caldo, dimpués la quitaba con a man ta pasar a luenga por cada una d’as balbas replegando asinas o tomate que n’i eba.
A suya mirada yera lasziba y brincaba d’a mía boca a os míos peitos, cuasi no yera prebando a birolla. Cada almeja rezibiba a la mía luenga tierca que laminaba o liquido de cada corruca. Cada poquet, un surbet de bin blanco fresquet. Él binió, me yera fendo efecto y cada begata yera más desinibita. Continaba minchando as almejas.
Malas que rematé, torné an que el yera, desaparté o suyo plato y me posé en a mesa con as garras ubiertas. Pillé una almeja d’o suyo plato, la escosqué, le saqué a concha y me la fiqué por o coño. Pillé o baso de bin y en chité un poquet en a mía entregarra.
- ¿Creis que sabrás quitar-la? –
- Nena, prou que sí -
Él, acochó lo tozuelo y prebó o bin que eba redamato sobre o mío cuerpo. Mientres, a suya man me toquiniaba os labios y me los pizcaba, o que feba que yo me umedezese. A escape emprenzipió a foter truquez a o clitoris con a luenga dica que arribé a l’orgasmo. Debantó lo tozuelo y ubrió a boca, amostrando-me l’almeja en a suya luenga. Se la trusquió.
- M’encanta como sabes –
- Agora boi a prebar-te yo a tu -

Biache ta Mallorca: Soi de tu

2008-08-22T04:34:00.000-07:00

Ni qué tal o biache, ni qué goyo que a la fin ayas benito, ni res. A nuestra trobada estió un besaz d’ixos que te funden o cuerpo literalmén, d’ixos que fan que o solido se torne liquido. D’ixos que son pura luchuria.

Me dixé lebar, tanto que se me cayó o bolso t’o suelo espardindo tot o que i lebaba drento. Condons, consoladors y bolas chinas incluitas. Lo replegué tot y qui m’iba a buquir istas nuez me dio una tarcheta de besita,
-Prene, isto tamién be d’estar de tu-.

No la reconoxié, pero yera tan exzitata que igual se me’n dio ficar más basura en o bolso.
En tot o biache en auto ta casa suya estiemos sin dezir ni piu, cuanto más me lo miraba más furamén alentaba, más umedá bi’n eba en a entregarra y menos raziozinio en o mío tozuelo.

Quitó a clau de casa suya, pero me metié entre a puerta y él.

Me pilló d’o cuello y me besó de tal traza que cuasi me da un amago de plazer. Ubrió a puerta de casa suya y me refirmó cuentra la parete. Me debantó a camisa ta poder chupar os míos pezons y sobar as mías tetas mientres yo meteba a man por o suyo pantalón ta trobar a suya polla dura y calién, que iba a estar de yo ya.

-No’n puedo más, buqui-me Raúl, por fabor- .

-No, en primeras minchemos bella cosa-.

De cosa me balió protestar, garriar. Me teneba dominata, iba a fer o que él querese. Me despulló, dixando-me sólo que os tacons, y me posó en a mesa.

Mientres él paraba la comida, yo quité d’o bolso o tabaco y biyé a tarcheta.

- E isto?- yera a primer frase normal que cruzábanos dende a nuestra trobada fisica.

- No sé, yera en o suelo y lo pillé pensando-me que yera de tu.

- Qué fillo de puta!!!!, me lo ficó en o bolso!!!!

- Qué pasa, Lola?

Le die a tarcheta, él, leyó en boz alta.

- Ya yes de yo. Lo fas bien, te buscaré ¿E isto?

- Isto ye…

Le conté o que eba pasato en l’abión, un breu resumen de nomás de 20 segundos, pero me dizió que no, que en quereba de detalles. Asinas que emprenzipié por o prinzipio.

Mientras le contaba o mío relato, se posó en o suelo debán de yo, y pillando-me d’os chenullos m’ubrió as garras, y me clabó en o canto d’a silla. Emprenzipió a chuguetiar con a mía natura, que m’eba depilato de tot ta él. Nomás que un roze en o mío clitoris estió prou ta burniar-me y tener o mío primer orgasmo en as suyas mans.

A lo que yo paraba de charrar, él paraba de toquiniar-me.

- Contina... Asinas te meteba os didos?-

Yo continaba, con a boz tallata por os espasmos, barrenata de plazer.

- Por fabor, Raúl, buqui-me-

- Contina contando-ne-

De sopetón se debantó, s’amanó t’a enzimera an que yera parando a comida y binió con cualcosa. - En primeras, isto-

Suabemén me metió un crabazín por o coño, o que deseguida me causó un atro orgasmo. Pero a él rai y continó ficando-me o crabazín cada begata más fuerte, mientres que con a suya man libre me relaxaba o boforón.

Os orgasmos se suzedeban y cada begata yeran más fuertes.

-Debanta-te-

Le fayé caso, el me dio a buelta y me refirmó as mans sobre a mesa d’a cozina, clabando-se dezaga de yo. Anque encara iba bestito, notaba o suyo su falo dreito restregar-se cuentra o mío culo.

Con mobimientos curtos de pelvis me foteba golpes en o culo como si m’estase buquindo. No sé como lo feba pero con una man me suchetaba l’anca y con l’atra ocupaba toz os míos foratos. Dando-me chusto o que eba benito a buscar dende tan lexos.

-Y… y le fotié uuun…unnn lapo -

- Y prou?-

- Siiiiiiiiiiiiiiiiií –

- Pues posa-te que imos a minchar. Y sin tartir– me dizió ristolero.

-No tiengo fambre-, no berdá, pero yera tan encarrañata. No me lo podeba creyer, no m’iba a buquir, yera dolén pero me feba goyo.

Yo sabeba a que beniba, beniba a estar d’el y él sabeba o que feba. Me yera portando a o limite. Y lo yera fendo bien.

Traduccion: Onsera

Silenzio

2008-08-17T03:53:00.000-07:00

No podébanos fer rudio. Eba arribato a tuya familia de ropente y se yeran apatrusquiando ta chitar-sen.

Eban dentrato en a tuya cambra ta dar-te a buena nuet y dezir-te que s’eban trobato a la tuya nobia n’o zine con a suya chermana. Yo eba fotito un brinco d’a cama y m’eba amagato debaxo.

Cuan, a la fin, tu mai se’n fue d’a cambra, dezindo-te antes o marabillosa y boniquiza que yera, yo salié de debaxo d’a cama.

-Millor que te’n baigas en que s’aduerman-.

-Ok-.

No tenébanos guaire confianza, sólo nos ébanos chitato un par de begatas. Asinas que a situazión yera, a lo menos, incomoda. Coflatos en a cama emprenzipiemos a parlar d’a Unibersidá. Pero de rapiconté él emprenzipió a sentir-se culpable, por o que le yera fendo a Patri y emprenzipió a rallar-me.

Yo, que le entendeba, me yera emprezipiando a agobiar. Su santa mai eba dezidito por primer begata en a suya bida adormir con a puerta ubierta y a luz enzendita. Y ta salir d’aquella casa caleba pasar por debán d’ixa puerta.

Con o que astí bi yera yo, bestita, en a cama con un extranio, tamién bestito y parlando de o mal que se sentiba. No sé como ocurrió, pero rematé refirmata en o suyo peito. Él continaba parlando sobre o que ye traizionar-se a uno mesmo, cuan paré cuenta que me feba fiestas en a espalda por denzima d’o bestiu.

- ¿Qué fas?

- Igual se te’n da que te faiga morisquetas, no?

- Ixo rai, rai.

No sólo no me’n daba igual, sino que m’encantaba. A sensazión de que nos podesen pillar sus pais y, por o tanto, a suya nobia, y, que antimás, él estase debatindo-se entre o bien y o mal, entre tallar de raso isto u dixar-se lebar por a luchuria, me meteba a mil.

As morisquetas timidas por a espalda, emprenzipioron a estar menos timidas y a explorar a parte d’a mía anatomía que le quedaba amán. Ni él ni yo nos bochábanos, a unica parte en mobimiento yera a suya man.

Teneba miedo de mirar-me-le a os güellos y que as suyas mans dixasen de mirar-me, teneba miedo de bochar-me, d’alentar, de tocar-le, de no tocar-le. M’armé de corache y le amorosié a boca. O mío dido indize rozó a suya luenga y entendié que yera millor dixar de tener miedo...

En silenzio lo fízenos, en silenzio me corrié, en silenzio le besé y en silenzio me’n fue.

No estió o millor polbo, ni o más apasionato, ni an me’n foi memoria. Pero sí que me queda ixa sensazión d’aber conectato por uns segundos.

TRADUCCION: Onsera

Biache ta Mallorca: Abión

2008-08-14T09:16:00.000-07:00

En realidá o biache en abión estió una mierda.

Salié de casa con uns pantalonez, taconaz y una camisa, abotonata a la espalda de muselina blanca, que dixaban intuir os míos mis pezons dreitos. Los teneba asinas dende que dezidié d’ir a besitar a o mío ombre. Belún a o que eba conoxito de boteiboleo y a o que encara no eba bisto en presona.

No yera o bestuache más comodo ta biachar, lo reconoxco, pero sí yera o más adecuato ta causar una buena y calién primer impresión a l’ombre que m’asperaba. A l’ombre que m’asperaba, y a cuasi toz os que tenesen güellos.

Cara ta l’aeropuerto paré cuenta que yera chocante a la chen, e ixo m’exzitaba muito. Notar as miradas que se fincaban en o mío bufón, notar as mías tetas saltar libres a cada trango, me feba sentir sexy. Sabeba que le fería goyo e ixo me feba poderosa.

Pero as tres oras d’abión estioron orribles. O mío posiento yera a o canto d’un siñor gran, de bels 50 años mal portatos. Un d’ixos gordos sudorosos con farcha de bendedor d’aseguranzas. De pelo graxo, cara graxa… tot graxo. Con unas mans granizas y gordas que no feban que sobater-sen a camisa ta biyer si asinas calmaba a calor de dentro de l’abión.

Feba tanta calor que a parte d’o mío cuerpo que quedaba libre d’a ropa, ye dezir, muita, se me pegaba a os posientos. O tanga yera mullato de tot, debito a la sudor, pero más que más debito a o plazer adebantato que me produziba conoxer a mío desconoxito. Ixa exzitazión que m’eba tenito tota la nuet sin adormir, tocando-me como si estase él qui me tocaba, buquindo-me como si o plastico de os míos chuguetes estase a suya polla.

No sé cuan emprenzipió tot, me pienso que me quedé adormita, dimpués de fer-me barios whiskis que a beroya azafata s’eba encargato de trayer-me y que o bendedor d’aseseguranzas, a tamas de no aber parlato con él, eba insistito en pagar.

No sé cuan emprenzipió, pero noté a suya man sudorosa en a mía garra, yo, esmachinando que yera la d’o mío mallorquín le dixé fer, me mormostiaba no sé guaire bien qué a l’uído con ixa boz pastosa que tienen os bendedors d’aseguranzas, me deseparó as garras y emprenzipió a fer-les fiestas, cada morisqueta abracaba más enta alto, cara morisqueta pretaba más.

Yo ya no podeba dezir no, eba dentrato en ixe punto de no tornada en o que pierdo de tot a nozión de o correcto y o incorrecto, o bueno y o malo, o digno y o indigno. Os mormosteos se tornoron órdens, a man s’esbarizó entre os míos pantalonez, apartando o tanga y cubrindo a mía natura caramollera de deseyo.

Sin guaire delicadeza fincó os suyos didos en o mío sexo, rozando mi clitoris furamén, tan furo, que cada begata que lo feba yo me retorzeba, no sé si de mal u de plazer, u as dos cosas.

Con a suya man libre sucheto a la mía y la fizo benir dica os suyos pantalons, que ya yeran desabotantos. Emprenzipié a masturbar-lo, notando claramén o recorrito d’a suya bena. Notando que cada begata yera más exzitato. Azeleró lo ritmo de bombeyo en o mío coño, tota la dolor eba desaparexito y sólo quedaba que o plazer, un plazer que yo miraba que no se m’eslampase por os labios, pero cuan arribó a oleata d’espasmos estió imposible mantener a boca zarrata y bi salioron uns xalfegos que o mío bendedor imitó, emplindo-me as mans d’o suyo lemos pegalloso. Indignadisma por aber-me obligato a fer ixo, le fotié un lapo y me metié a ropa. El, feba a resiqueta, se me miró de bislai y continó leyendo a rebista. En a resta d’o biache nomás pensé en o que m’asperaba aquel cabo de semana…

TRADUCCION: Onsera

Y de sopetón... adiós

2008-08-08T15:39:00.000-07:00

Ta despullar-me sólo has de desfer o ñudo d’o bestiu e iste cayerá por o suyo propio peso, dixando-me debán de tu sólo que con unas botas caña alta.
Mira-te-me y despulla-te, ¡au!, e ixo fas, te sacas as zapatillas y os calzetins, dixas a l’aire ixe torso que me torna barrenata, de chenullos t’aduyo con os pantalons y a la fin beigo l’obcheto d’o mío deseyo por ista nuet.
A tuya polla dura y enroyezita ba a estar ta yo. Te toco as garras, emprenzipio fendo-te besos en os clabillars, puyando dica grondiar-me en a parte de dezaga d’os tuyos chenullos, fendo-te muesos en o culo mantenendo o equilibrio, clabando as mans en as ingles, mobendo-las por o tuyo mon de benus.
Cuan parex que boi dreita a o tema, me meto dreita y te tapo os güellos con un pañuelo y t’aduyo a asentar-te en o suelo, dezaga de tu, te beso a espalda, te finco as mías unglas, te lamino o cuello, mantiens a compostura. Pos bien, m’asiento a escarraminchas sobre tu, te beso pero cuan reazionas te foi un mueso en o labio, fas un zeño entre dolor y plazer, que se torna en plazer malas que te recompenso metendo-te a luenga dura y calién en a tuya boca, en quiers más, pero bas a aber d’asperar.
Te meto un dido en a boca, lo laminas. Una ziresa, la muerdes y escorre o suco por o tuyo torso. T’escosco con a luenga. As tuyas mans m’insisten en que me quede astí abaxo, y como no reblas me recreyo en a tuya entregarra. A o primero, suabe con a luenga, rozando o tuyo glande, con as mans sochetando-te os güegos, que deseguida se troban en a mía boca, entremistranto as mías mans masachean a tuya polla. Cambeo d’orden y a mía boca se mincha a tuya picha, me la fico dica an me premiten as gomiteras, cuasi rozando a mía barbeta con os tuyos güegos, puyo y baxo o ritmo que me marcan as tuyas mans, retirando-me a tufa d’a cara.
Te me miro y beigo a tuya cara de plazer. Ye l’inte. M’asiento sobre tu, notando como dentras poquet a poquet. As tuyas mans en as mías ancas me pretan enta baxo y me dizen que siga quieta un poquet. Ixo foi, me quedo quieta, tu emprenzipias a bochar-me de zaga ta debán, fendo rozar o nuestro pubis. No’n puedo más. Me corro. Deseguida emprenzipiamos con o ritmo a tot meter, d’alto ta baxo, cada enrestida me’n da más de plazer. Me torno a correr.
Te debantas, y yo t’abrazo con as garras. M’asientas denzima d’a mesa, me i chito y continas buquindo-me, como si estase a zaguer begata.
Toquineo as mías tetas, miro d’agarrar-te d’o culo. As tuyas mans m’ubren as garras pillando-me de l’interior d’o muslo, ta biyer millor o que i pasa astí. A bisión te mete furo, me lo dizes, me lo dizes encara más begatas y un espasmo m’engarona de tu.
Calma, te chitas en o suelo y me refirmo en o tuyo peito. M’abrazas.
–Demain je rentre chez moi, ca a ete un vrai plaisir-.

TRADUCCION: Onsera

Nuei d'Estio

2008-07-12T05:41:00.000-07:00

T'asperaba posada en o capó de l'auto, con as piernas ubiertas y descalza, en una actitut deliberadament descarada. Malas que tiré lo fumarret, y con él, l'asperanza d'a mía nueit torrida, bi plegués tú, portabas uns balons d'esporte y una chambreta sin mangas, te i quedés aturau mirando-me, no baixé a gollada, t'amanés a yo, pero lo mío piet s'interpuso entre nusatros, rozando sin querer o tuyo muslo.

Ixo, abió de cuacar-te, perque me pillés o clabillar con a tuya man y repitiés o mobimiento. En un inte dau te coloqués de traba abil entre as mías piernas. As tuyas mans pasón d'os clabillars t'os muslos, y puyando de traza lenta, per debaixo d'a mía falda, dica l'altaria d'as nalgas, que iban descubiertas como t'eba dito. Una begada astí, con un pito mobimiento las pretés mobiendo-me dica fer-me quedar en o borde d'o capó en contacto con o tuyo pene, que ya eba reaczionau y yera parau ta que le dásenos canya.

As mías mans, que dica allora eban permaneixiu inmobils, acarician as tuyas per denzima d'a mía falda, y puyan, aranyando-te de cabo cuan y pretando-te dimpués. Dica plegar a la tuya cabeza, que ye aloixada en o mío cuello, fendo un treballo fino. Te la pillo y te fico los didos en a boca, chugas con éls dica que considero que ya ye prou, los baixo dica las mías piernas y me los fico en o sexo, rozando con a palma la tuya polla, que seguntes me dizes, ye presta ta esclatar.

Ya no bi ha marcha ta zaga, a lo menos per a mía parti, nos besamos y con un rapedo mobimiento me baixas de l'auto y me das a buelta, me pillas d'o currón y prenzipias a rozar-te contra o mío culo, os chemecos ya son ebidens, pasa un auto, que reduze a belozidat ta mirar-se qué ye pasando, asinas que ye millor que nos ne baigamos ta casa... pero ixa ya ye atra falordia.

TRADUCCION: Lo Marica

Conta-me un secreto.

2008-06-04T06:09:00.001-07:00

No cal saber o tuyo nombre. No quiero conoixer os tuyos problemas, ni ixo que te'n fa. Nomás quiero que me contes qué ye ixo que te mete furo. Qué ye ixo que no t'atrebes a fer. Qué ixo que no t'arebes cuasi ni a pensar-te. Astí, en os comentarios tiens tot l'epazio ta contar-me a l'oído qué ye ixo que tanto te cuaca. ¿Qué quieres fer? ¿Qué quiers que te faigan? Conta-me-lo.

TRADUCCION: Lo Marica